Page 76 - Tarih Çevresi Dergisi

tarih çevresi

EK – 2: Şüpheli Belge II [Kaynak: Adana Şer’iyye Sicilleri, defter no: 58, sayfa no: 94, belge no: 246]
Mâ fihi mine’n-nesebi ve’s-siyâde
Hâlen Adana mütesellimi Ser Bevvâbîn-i Dergâh-ı Âlî Ahmed Bey ve Mehmed Bey ibni El-hâcc Abdullah Paşa

hazerâtları meclis-i şer‘-i şerîf-i Ahmedî ve mahfel-i dîn-i münîf-i Muhammedî’de şöyle takrîr-i kelâm eylediler ki:
Bundan akdem ceddimiz müteveffâ Hasan Paşa hâl-i hayâtında aslımızda şürefâlık var mıdır deyu taharrî ve te-

cessüs eylediklerinde nisvân tâifesinden çend hatunlar müteveffâ-yı mûmâ ileyh Hasan Paşa’nın babası El-hâcc Ali
Ağa’nın vâlidesi (boş) nâm hatun Sis Kasabası ahalîsinden ve şürefâdan Yazıcızâde Ömer Ağa’nın kerîmesidir deyu ‘alâ
tarîkı’ş-şehâde inhâ ve ihbâr eylediklerinde müteveffâ-yı mûmâ ileyh Hasan Paşa tekâsül birle alâmet-i hadrâ ilbâs eyle-
meyüb ancak el-hâletü hâzihi bizler dahi aslımızı taharrî ve tecessüs eylediklerimizde kasaba-i mezbûre sâkinelerinden
müsinn ve ihtiyâr nisvân tâifesinden Kürd kızı Aişe ve Eminoğlu kızı Aişe nâm hatunlar kasaba-i mezbûre mahkemesinde
ma‘kûd-i şer‘de

bizim babamız müşârün ileyh El-hâcc Abdullah Paşa’nın babası müteveffâ-yı müşârün ileyh Hasan Paşa’nın ba-
bası mûmâ ileyh El-hâcc Ali Ağa’nın vâlidesi merkûme hatun mûmâ ileyh şürefâdan Yazıcızâde Ömer Ağa’nın kerîmesidir
bizler bu husûsa bu vech üzere şâhideyiz şehâdet dahî ideriz deyü merkûmân hatunların şehâdetlerini kasaba-i merkûme
ahâlisinden Hacı oğlu Osman ve Halil Efendi ve Hacı Hüseyin oğlu Mustafa ve Kara Halil oğlu Halil ve Behram Beşe ve
Çavuş oğlu Memiş Ali nâm kimesneler taraflarımıza ‘alâ tarîki’ş-şehâde inhâ ve ihbâr eylediklerini mübeyyin yedlerimize
bir vesîka-i enîka i‘tâ olunmak murâdlarımızdır didiklerinde gıbbe’t-tasdîki’l-mu‘teber mâ hüve’l-vâki‘ bi't-taleb ketb
olundu. Hurrire fi’l-yevi’l-hâmis ‘aşara min şehr-i Zi’l-hicceti’ş-şerîfe sene ‘ışrîn ve mi’eteyn ve elf. (15 Z 1220/ 06 Mart
1806)

Şuh?dü’l-h?l
(YOK)

74