Page 78 - Tarih Çevresi Dergisi
P. 78
tarih çevresi
habs olunur.
158. Mâdde: Hancı ve kahveci ve bekar odacısı ve lokantacı ve sâir bu misüllü icâre-i yevmiye ile şunu bunu
iskân eden kimseler oda ve sûkna verdikleri eşhâsın sahîh isimlerini bildikleri halde nâmı diğer ile sahte olarak deftere
kayıt ettirir ise bir aydan üç aya kadar habs olunur.
159. Mâdde: Mer‘î olan usûl ve nizâmı iktizâsınca kefâlete rabt etmeksizin mürûr tezkeresi veren me’mûrlar
me’mûriyetlerinden azil ve altı aydan bir seneye kadan habs ile mücâzât olunur. Bu misillü me’mûrîn verecekleri yol ka-
ğıtlarına bilerek sahte isim yazar ise altı aydan iki seneye kadar habs olunur.
160. Mâdde: Her nev‘î hidemât-ı devletten kendini veyâhûd âhîrini mu‘âf ettirmek üzere etıbbâ ve cerrâh nâmına
olarak ‘ill-i vücûdiyesini mutazammın sahte şehâdetnâme yapan şahıs bir seneden üç seneye kadar habs olunur.
161. Mâdde: Tabîb ve cerrâhlardan her kim birinin iltimâsına mebnî veyâhûd hatıra ri‘âyeten hizmet-i devletten
mu‘âf ettirmek için aslı olmayarak marazı ve ‘illeti vardır diye şehâdet eder ise bir seneden üç seneye kadar habs olunur
ve eğer bu sahtekârlığı akça ve hediye ahzıyla irtikâb etmiş ise hakkında mürteşî cezâsı ve akça veren hakkında dahi râşî
cezâsı icrâ olunur.
162. Mâdde: Her ne türlü sahte ve taklîd şey olursa olsun bilmeyerek isti‘mâl edenler cezâdan ma‘fûv tutulur.
76
